პრემიერმინისტრი, გიორგი გახარიას განცხადებით, 18 წლამდე ბავშვების ერთჯერად სოციალურ დახმარებაზე რეგისტრაცია პირველ დეკემბრამდეა შესაძლებელი. ამის შესახებ მან მთავრობის სხდომაზე განაცხადა.

"ამ თანხების დარიცხვა ბავშვებისთვის დაიწყება პირველი სექტემბრიდან და შესაბამისად, გაგრძელდება წლის ბოლომდე. ახალი განაცხადების შემოსვლის შემთხვევაში უკვე პირველ დეკემბრამდე", — განაცხადა პრემიერმინისტრმა.

მისივე თქმით, დღეის მონაცემებით პროგრამაში 810 000 ბავშვზეა შესული განაცხადი, რაც გულისხმობს 482 000 ოჯახს. პრემიერმა აღნიშნა ისიც, რომ ამ სოციალურ დახმარებას მოქალაქეებს ბანკი სესხების დასაფარად არ ჩამოაჭრის.