Red Hot Chili Peppers-ის ყოფილი გიტარისტი, ჯეკ შერმანი 64 წლის ასაკში გარდაიცვალა. საერთაშორისო მედიის ინფორმაციით, გარდაცვალების მიზეზი ჯერ უცნობია.

"ის უნიკალური ბიჭი იყო და ჩვენ მადლიერი ვართ ყველაფერი კარგისა და ცუდისთვის", — წერია ჯგუფის ოფიციალურ ტვიტერზე.

შერმანი Red Hot Chili Peppers-ს 1983 წელს შეუერთდა, როცა ჯგუფის ერთ-ერთი დამაარსებელი, ჰილელ სლოვაკი ჩაანაცვლა.

შერმანმა ჯგუფთან ერთად მეორე ალბომზე იმუშავა და აშშ-ის მასშტაბით გამართული პირველი ტურის განმავლობაშიც მათთან ერთად უკრავდა. თუმცა 1985 წელს სლოვაკი დაბრუნდა და შერმანს ჯგუფის დატოვება მოუწია.

მან ამის მერეც იმუშავა Red Hot Chili Peppers-ის ორ ალბომზე — Road EP და Mother's Milk. შერმანი ასევე თანამშრომლობდა ისეთ ცნობილ შემსრულებლებთან, როგორებიც არიან ბობ დილანი და ჯორჯ კლინტონი.

"ჩვენ, RHCP-ის ოჯახს გვსურს, ჯეკ შერმანს იმქვეყნად მშვიდობიანი მგზავრობა ვუსურვოთ, რადგან ის გარდაიცვალა," — ვკითხულობთ ჯგუფის მიერ სოციალურ მედიაში გამოქვეყნებულ პოსტში.