პარტია მოქალაქეების თავჯდომარემ, ალეკო ელისაშვილმა TV პირველის ეთერში განაცხადა, რომ ოპოზიციური პარტიების შეკრებებზე მისვლა მისთვის რთული იყო, ვინაიდან გაერთიანებული ოპოზიციის წევრები მისთვის სხვა ადამიანებთან ასოცირდებიან.

"ოპოზიური პარტიების შეკრებაზე ისედაც ძალიან მიჭირდა სიარული. იქ არის წარმოდგენილი პუტინი ბურჯანაძის სახით, იქ არის წარმოდგენილი ქვეყნის გამპარტახებელი და დამაქცეველი ვანო ჩხარტიშვილი თავისი სიძით, რომელიც ვითომ ოპოზიციონერია, გიორგი ვაშაძით, იქ არის წარმოდგენილი ქართული ოცნება ბოკერიას სახით", — აცხადებს ალეკო ელისაშვილი.

მისივე თქმით, მიუხედავად იმისა, რომ გაერთიანებულმა ოპოზიციამ საბურთალოს ოლქში საერთო კანდიდატად ირაკლი ოქრუაშვილი დაასახელა, ის მაინც იბრძოლებს არჩევნებში მოგებისთვის.

"მე ვიბრძოლებ და მართლა ვიბრძოლებ იმიტომ, რომ სამაიმუნოდ არასოდეს არ გავსულვარ არჩევნებში. ერთხელ მოვიგე და არ ვტრაბახობ, მაგრამ საბურთალოელების მხარდაჭერით ერთხელ მოვუგე ორივე პარტიას, ორივე ძლიერი პარტიას და შემდეგ მოვუგე დანარჩენ ოპოზიციურ პარტიებს. თავის თავს ჰკითხოს ოპოზიციამ რატომ აკეთებს და რატომ იმეორებს იგივეს", — განაცხადა პარტია მოქალაქეების ლიდერმა.