"არსებობს მყარი, უდავო არგუმენტები, რის გამოც საზოგადოება ქართულ ოცნებას ენდობა და მხარს უჭერს", — ამის შესახებ არჩილ თალაკვაძემ დმანისში მაჟორიტარი დეპუტატობის კანდიდატ, გოგი მეშველიანის წარდგენისას განაცხადა.

ამის არგუმენტებად თალაკვაძე ასახელებს იმას, რომ "ქართულმა ოცნებამ ყველაზე კარგად შეძლო ადამიანის უფლებების, ბიზნესის თავისუფლებისა და საკუთრების დაცვა და ადამიანის ჯანმრთელობაზე ზრუნვა".

ასევე, პარლამნეტის თავმჯდომარის განცხადებით, ხელისუფლებამ შეძლო ეფექტური, პროგრესული და სახელმწიფოებრივი საგარეო პოლიტიკის გატარება.

გარდა ამისა, მან აღნიშნა, რომ ქართული ოცნება მზად არის, მომავალზეც აიღოს პასუხისმგებლობა და ქვეყნის განვითარება გააგრძელოს.