საფრანგეთის მთავრობის დადგენილებით, პარიზი და მარსელი კორონავირუსის წითელ ზონად გამოცხადდა. საფრანგეთის ჯანმრთელობის ეროვნული სამსახურის უფროსის თქმით, "სიტუაცია კვირიდან კვირამდე უარესდება". მან თქვა, რომ ყოველდღიურად ვირუსის ახალი კლასტერი ვლინდება — ოჯახების, დიდი წვეულებებისა და სხვა დიდი შეკრებების, რაც ზაფხულის არდადეგებს უკავშირდება.

"უფრო და უფრო მეტი დადებითი პასუხია ტესტებზე, უფრო და უფრო მეტი ადამიანი მოდის კლინიკაში...უნდა ვიმოქმედოთ, სანამ ახალი გარდაცვლილების თვლა დაგვიწყია", — განაცხადა საფრანგეთის ჯანმრთელობის ეროვნული სამსახურის უფროსმა.

ოფიციალური მონაცემებით, სამშაბათიდან პარასკევამდე დროის მონაკვეთში საფრანგეთში 2 669 დადასტურებული შემთხვევა დაფიქსირდა.