ისრაელი და არაბთა გაერთიანებული საამიროები ურთიერთობის ნორმალიზებაზე შეთანხმდნენ.

ამის შესახებ ამერიკის შეერთებული შტატების პრეზიდენტმა, დონალდ ტრამპმა Twitter-ზე დაწერა:

"უდიდესი მიღწევა. ისტორიული მშვიდობიანი შეთანხმება ჩვენს ორ დიდ მეგობარს, ისრაელსა და არაბთა გაერთიანებულ საამიროებს შორის".

ტრამპის ტვიტი ბენიამინ ნეთანიაჰუმ გააზიარა წარწერით:

"ისტორიული დღე!".

ამერიკის შეერთებული შტატების პრეზიდენტoს დონალდ ტრამპი, ისრაელის პრემიერმინისტრი ბენიამინ ნეთანიაჰუ და აბუ-დაბის პრინცი ერთობლივ განცხადებაში აღნიშნავენ, რომ იმედი აქვთ, "ისტორიული მიღწევა ახლო აღმოსავლეთში მშვიდობას შეუწყობს ხელს".

მათ ასევე აღნიშნეს, რომ ისრაელი შეაჩერებს გეგმებს ოკუპირებული დასავლეთ სანაპიროს დიდი ნაწილის ანექსიის შესახებ.