პრემიერმინისტრის გიორგი გახარიას განცხადებით, რაჭაში სტიქიის შედეგების აღმოსაფხვრელად მთავრობას 2021 წლის გაზაფხულამდე დასჭირდება დრო.

"სტიქიის მასშტაბიდან გამომდინარე, როგორ ჩანს, სრულფასოვან აღდგენას კაპიტალური ინფრასტრუქტურის დასჭირდება დაახლოებით 2021 წლის გაზაფხულამდე დრო", — განაცხადა პრემიერმინისტრმა მთავრობის სხდომაზე.

გახარიამ აღნიშნა, რომ დღეს მთავრობა იმსჯელებს ამ კაპიტალური სამშენებლო სამუშაოებისთვის დამატებითი თანხების გამოყოფაზე.

მისივე თქმით, პირველადი საჭიროების სამუშაოები მოსალოდნელზე სწრაფად დასრულდა და მოწყვეტილ სოფლებთან მიმოსვლა აწყდა, ასევე, ყველა სოფელს მიეწოდება როგორც წყალი, ასევე ელექტროენერგია.

28 ივლისს რაჭაში ძლიერი წვიმით გამოწვეული წყალდიდობის გამო, 12 სოფელი გარესამყაროს მოწყდა, დაზიანდა ხიდებიც.