2020 წლის 10 ყველაზე მაღალანაზღაურებადი მსახიობი კაცი

ჟურნალი Forbes ყოველწლიურად სხვადასხვა სფეროში ყველაზე მაღალანაზღაურებადი ადამიანების სიებს აქვეყნებს, რაც საშუალებას გვაძლევს, დავაკვირდეთ, თუ რომელი ვარსკვლავების გასული წლის კარიერა იყო ფინანსურად მომგებიანი და რა/ვინ ფასობს ყველაზე ძვირად კონკრეტულ ინდუსტრიაში.

11 აგვისტოს ფორბსმა ყველაზე მაღალანაზღაურებადი მსახიობი კაცების ათეული გამოაქვეყნა, რომელშიც მოწინავე ადგილი Fast & Furious-ისა და Jumanji-ის მსახიობმა, დუეინ ჯონსონმა დაიკავა: მან 2019 წლის ივნისიდან 2020 წლის ივნისამდე $87,5 მილიონის გამომუშავება შეძლო.

აღსანიშნავია, რომ დუეინ ჯონსონი გასულ წელს გამოქვეყნებული მსგავსი სიის ლიდერიც იყო $89,4 მილიონი შემოსავლებით, რითიც ის უკვე ზედიზედ მეორე წელია ყველაზე მაღალანაზღაურებადი მსახიობი კაცია მსოფლიოში.

ჰოლივუდის სხვა ცნობილ სახეებთან ერთად ფორბსის ათეულში მოხვდა ბოლივუდის ვარსკვლავი აკშაი კუმარი $48,5-მილიონიანი შემოსავლით და ცნობილი მიუზიკლის Hamilton-ის შემქმნელი ლილ-მანუელ მირანდა $45,5 მილიონით.

2020 წლის ყველაზე მაღალანაზღაურებადი მსახიობი კაცების ათეული კი ასე გამოიყურება:

1. დუეინ ჯონსონი — $87,5 მილიონი

2. რაიან რეინოლდსი — $71,5 მილიონი

3. მარკ უოლბერგი — $58 მილიონი

4. ბენ აფლეკი — $55 მილიონი

5. ვინ დიზელი — $54 მილიონი

6. აკშაი კუმარი — $48,5 მილიონი

7. ლილ-მანუელ მირანდა — $45,5 მილიონი

8. უილ სმიტი — $44,5 მილიონი

9. ადამ სენდლერი — $41 მილიონი

10. ჯეკი ჩანი — $40 მილიონი

ბოლო ამბები:

გირჩევთ