დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

10 აგვისტოს მესტიაში კორონავირუსის 17 შემთხვევა დადასტურდა. ინფიცირებულები ერთი ოჯახის წევრები არიან.

"ინფიცირება სტუმრად ჩამოსული ადამიანისგან მოხდა. როგორც კი ეს ჩვენთვის ცნობილი გახდა, დაიწყეს ეპიდემოლოგებმა კვლევა, აიღეს 37 ბიოლოგიური ნიმუში, აქედან დადასტურდა 17 შემთხვევა", — განაცხადა ნინო ვიბლიანმა, სამეგრელო ზემო-სვანეთის სახელმწიფო რწმუნებულის მოადგილემ.

მისივე განცხადებით, მიმდინარეობს ინფიცირებულთა შესაბამის კლინიკებში გადაყვანა, ხოლო 5 ბრიგადა ჩაატარებს ღრმა ეპიდემოლოგიურ კვლევას.

ჯამში, დადასტურებულ შემთხვევათა რაოდენობა 1 250-მდე გაიზარდა, მათ შორის, გამოჯანმრთელებულია 1010 ადამიანი, გარდაცვლილი — 17. კარანტინის რეჟიმში 7 068 პირი რჩება, სტაციონარში მეთვალყურეობის ქვეშ კი 242 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: