ბელარუსში საპრეზიდენტო არჩევნები მიმდინარეობს. საარჩევნო უბნები 8 საათზე გაიხსნა, ხმის მიცემის პროცედურა 20 საათზე დასრულდება.

გუშინ, არჩევნების წინა დღეს, ოპოზიციის მხარდამჭერები დააკავეს. დაკავებულია მთავარი ოპოზიციური კანდიდატის, სვეტლანა ტიხანოვსკაიას კამპანიის ხელმძღვანელიც.

ქვეყნის ტერიტორიაზე 5 767 საარჩევნო უბანი მოქმედებს, რომელშიც 6 844 932 ამომრჩეველმა უნდა მისცეს ხმა.

ხმის მიცემის წინასწარი პროცესი 4 აგვისტოს დაიწყო. ქვეყნის ცენტრალური საარჩევნო კომისიის ცნობით, არჩევნებში ჯამში მოქალაქეთა აქტივობამ 41.7%-ს მიაღწია.

ბელარუსის მოქმედი პრეზიდენტი, ალექსანდრე ლუკაშენკო, ქვეყანას 1994 წლიდან მართავს. ლუკაშენკოს ევროპის უკანასკნელ დიქტატორსაც უწოდებენ.

გაერთიანებული ოპოზიციის საერთო კანდიდატი სვეტლანა ტიხანოვსკაიაა, რომელიც ერთადერთი კანდიდატია მოქმედი პრეზიდენტის წინააღმდეგ. მისი პოლიტიკურად გააქტიურება, მისი ქმრის, პოპულარული ოპოზიციონერი ბლოგერის, სერგეი ტიხანოვსკის დაკავების შემდეგ დაიწყო.

ასევე წაიკითხეთ: