ეკონომიკის მინისტრმა, გიორგი გახარიამ ეროვნული ვალუტის გაუფასურების მიზეზები განმარტა ჟურნალისტებთან საუბრისას. მისი თქმით, ის, რაც დღეს ხდება ლარის კურსზე, ეს არის ის ვალატურობა, რომელიც აისახება თურქეთი ლირასთან მიმართებით:

"მოვლენები, რომლებიც ვითარდება ჩვენს ძირითად სავაჭრო პარტნიორებში, შეუძლებელია არ აისახოს ჩვენს ეკონომიკაზე. ის, რაც დღეს ხდება ლარის კურსთან დაკავშირებით, ეს არის ის ვალატურობა, რომელიც აისახება თურქეთის ლირასთან მიმართებით".

მისივე განცხადებით, გაუფასურება მოკლევადიანი იქნება და კურსი მალე დასტაბილურდება:

"ოთხპუნქტიანი გეგმა, რომელიც მიმართულია ძირითადად სწრაფი ეკონომიკური ზრდისკენ, ის ნაბიჯები, რომელსაც მთავრობა დგამს გადადგმულია იმისთვის რომ ქვეყანაში მეტი პირდაპირი უცხოური ინვესტიციები იყოს, რომ ეკონომიკური ზრდა იყოს უფრო სწრაფი, რაცა რის ერთადერთი საშუალება ლარის კურსის გრძელვადიანი დასტაბილურებისა".

13 დეკემბრისთვის, სავალუტო ჯიხურებში, ერთი აშშ დოლარის ყიდვის ფასი 2,65 ლარი გახდა, ხოლო, ერთი ევროს ყიდვის ფასი - 2,82 ლარი.

გუშინ, 12 დეკემბრის დღის ბოლოს, ეროვნულმა ბანკმა, ვალუტის ახალი კურსი გამოაქვეყნა, რომლის მიხედვით, ლარი დოლართან და ევროსთან მიმართებაში სამ-სამი თეთრით გაუფასურდა.