მოპარული დათუნიას სათამაშო, რომლის სანაცვლოდაც რაიან რეინოლდსმა $5 000-იანი ჯილდო დააწესა, როგორც იქნა, სახლში დაბრუნდა.

43 წლის მსახიობმა ოთხშაბათს, 29 ივლისს, განაცხადა, რომ დათუნია, რომელიც პატრონის გარდაცვლილი დედის ხმის ჩანაწერს შეიცავდა, დაბრუნდა.

"და უფრო ბედნიერ ამბებს რაც შეეხება... მადლობა ყველას, ვინც ძებნაში მიიღეთ მონაწილეობა. იმ ადამიანს, რომელმაც ეს დათუნია მოიპარა, მადლობა იმისთვის, რომ ის უსაფრთხოდ შეინახა. ვანკუვერი ასწორებს. #FoundMarasBear", — დატვიტა რეინოლდსმა.

დათუნია ეკუთვნის მარა სორიანოს, რომელმაც თავდაპირველად განაცხადა, რომ მისი რამდენიმე ნივთი, მათ შორის შავი ზურგჩანთა დათუნიათი, კანადაში გადასვლისას მოპარეს.

სორიანომ სამშაბათ საღამოს, 28 ივლისს, ვიღაცისგან მიიღო ელ. ფოსტა, რომელშიც ნათქვამი იყო, რომ დათუნია მას ჰქონდა.

სორიანომ თქვა, რომ დაკარგული საბუთები არ ადარდებდა — მათ შორის არც პასპორტი ან iPad თუ Nintendo Switch — მას, უბრალოდ, თავისი დათუნიას დაბრუნება სურდა, რომელშიც მისი გარდაცვლილი დედის ხმის ჩანაწერი იყო, სანამ 53 წლისა ის კიბოსთან ბრძოლაში დამარცხდებოდა შარშან.

ხმის ჩანაწერი ამბობს: "მიყვარხარ, შენით ვამაყობ და ყოველთვის შენთან ვიქნები".

ამ კვირის დასაწყისში რეინოლდსმა, რომელიც თვითონ კანადელია, CBC TV-ის სტატია დათუნიას შესახებ გადატვიტა და დაურთო: "ვანკუვერო: $5 000 ნებისმიერს, რომელიც დათუნიას მარას დაუბრუნებს. ნული შეკითხვა დაისმება. მგონი, ყველას გვჭირდება, რომ ეს დათუნია სახლში დაბრუნდეს".

სორიანომ თქვა, რომ საავადმყოფოში გამწესების შემდეგ დედამისის ხმა შეიცვალა და უფრო ნაზი გახდა. დათუნიაში ჩადებული ხმის ჩანაწერი მანამ გააკეთეს, სანამ ეს ცვლილება მოხდებოდა.

"მან მითხრა, რომ ვუყვარდი და ჩემით ამაყობდა და ყოველთვის ჩემთან იქნებოდა", — უთხრა მარამ CBC TV-ს.