ფეხბურთის ფედერაციის ყოფილი ვიცე-პრეზიდენტის, ლერი სულაბერიძის ავტომანქანის მიმართულებით სროლისთვის ბრალდებული დაკავებულია. არსებული ინფორმაცია On.ge-ს შინაგან საქმეთა სამინისტრომ დაუდასტურა.

წყნეთში სროლა გუშინ ღამით მოხდა. შინაგან საქმეთა სამინისტროს ინფორმაციით, გამოძიება ორი მუხლით, საქართველოს სისხლის სამართლის კოდექსის 19-108 და 236 მუხლებით დაიწყო, რაც განზრახ მკვლელობის მცდელობასა და ცეცხლსასროლი იარაღის უკანონო შეძენა-შენახვას გულისხმობს.