გარდაცვლილი თამარ ბაჩალიაშვილის ოჯახის ადვოკატის, მიხეილ რამიშვილის თქმით, ოჯახი გამოძიებას უნდობლობას უცხადებს და საქმეში დამოუკიდებელი ექსპერტები ჩაერთვებიან. რამიშვილის თქმით, გაუგებარია, ხუთი დღის განმავლობაში რატომ ვერ აღმოაჩინეს თამარ ბაჩალიაშვილი და რატომ იპოვა ის პოლიციის მაგივრად, მწყემსმა

"საეჭვო არის, ხედავთ როგორი გარემოა, არაფერი უღრანი ტყე არ არის რომ დრონს ვერ დაენახა. მე არ ვენდობი, როდესაც მწყემსი პოულობს, როცა პოლიცია უნდა პოულობდეს. ოჯახს რა კითხვებიც აქვს დეტალურად იქნება ყველა კითხვაზე პასუხი მოთხოვნილი", — განაცხადა მან.

რამიშვილის ინფორმაციით, ტერიტორიაზე, სადაც ბაჩალიაშვილის მანქანა აღმოაჩინეს, სამძებრო ღონისძიებები მანამდე უკვე ჩატარებული იყო და მისთვის გაუგებარია მანამდე რატომ ვერ აღმოაჩინეს გარდაცვლილის ავტომობილი. მისი თქმით, საქმეში ჩაერთვება დამოუკიდებელი ექსპერტი მარიამ ჯიშკარიანი.

23 წლის თამარ ბაჩალიაშვილი, რომელსაც ხუთი დღე ეძებდნენ თეთრიწყაროს ტყეში, მანქანაში გარდაცვლილი იპოვეს. თამარ ბაჩალიაშვილი 18 ივლისს დაიკარგა. როგორც ოჯახის წევრები ყვებიან, ის საკუთარი მანქანით ქვემო ფონიჭალიდან გავიდა. მათი თქმით, დაკარგულის ავტომობილი ჯერ მარნეულში, ბოლოს კი თეთრიწყაროს მუნიციპალიტეტის სოფელ ხაიშში დააფიქსირეს, მაგრამ სამძებრო სამუშაოების მიუხედავად, ავტომობილს და ქალს ვერ მიაგნეს.

ამავე თემაზე: