თბილისის მერია პრესის ჯიხურების ერთიან ვიზუალს შეიმუშავებს. ამის შესახებ თბილისის მერმა, კახა კალაძემ, მთავრობის სხდომაზე განაცხადა.

"ჩვენთვის ქალაქის ცენტრალურ ქუჩებზე ჯიხურების განთავსება მიუღებელია. პრესის ჯიხურები კონკურენციას ვერ უწევს იმ ჯიხურებს, რომლებიც სხვადასხვა პრუდუქციით ვაჭრობენ. იმისთვის, რომ ბეჭდურ მედიას დავეხმაროთ და პრესის გავრცელებას ხელი შევუწყოთ, გვინდა, ქალაქში გამოიძებნოს შესაბამისი ადგილები, სადაც პრესის ჯიხურებს განვათავსებთ", — თქვა კალაძემ.

მისივე ინფორმაციით, ჯიხურების დიზაინი და ვიზუალი შეთანხმებული იქნება შესაბამის სამსახურებთან, რათა "მათი დიზაინი ჩვენი ქალაქის ურბანიტიკასთან შესაბამისობაში მოვიდეს".