რძის პროდუქტების მწარმოებელ კომპანია სანტეს ქარხანასთან ოთხი პირი დააკავეს. დაკავებულებ შორის ერთ-ერთი პარტია ქართული არჩევანის ლიდერი ბეჟან გუნავაა.

შსს-ს ინფორმაციით, ოთხივე მათგანი ადმინისტრაციულ სამართალდარღვევათა კოდექსის 173-ე მუხლითაა დაკავებული, რაც სამართალდამცავი ორგანოს მუშაკის ან სამხედრო მოსამსახურის და სახელმწიფო დაცვის სპეციალური სამსახურის თანამშრომლის კანონიერი განკარგულებისადმი ან მოთხოვნისადმი დაუმორჩილებლობას გულისხმობს.

სანტეს ქარხანასთან გამართულ აქციაზე მუშები და ქართული არჩევანის წევრები კომპანიის გადაწყვეტილებას აპროტესტებდნენ. მათი თქმით, კომპანიამ დემონტაჟის სამუშაოებზე დასაქმებული პირები უკანონოდ დაითხოვა.

სანტეს იურისტის, გიორგი გეწაძის განცხადებით, დაქამებულებმა სხვა შენობა დაშალეს:

"სანტეს ამ ადამიანებთა არანაირი სახელშეკრულებო ურთიერთობა არ აკავშირებს. ჩვენ გვაქვს ხელშეკრულება გაფორმებული ინდ.მეწარმე გოჩა ოდოშაშვილთან, რომელსაც ევალდებოდა სადემონტაჟო სამუშაოების შესრულება. მას ჰყავდა ქვეკონტრატორები დაქირავებული, რომელთაც შეცდომით მიუთითა ერთ-ერთი ისეთი შენობის დემონტაჟის შესახებ, რომლის დემონტაჟი სანტეს ინტერესებში არ შედიოდა. შესაბამისად, სანტე იქეთ არის დაზარალებული".