10 სექტემბრიდან თბილისში, პეკინის გამზირსა და მიმდებარე ტერიტორიაზე ზონალურ-საათობრივი პარკირების სისტემა ამოქმედდება. ამის შესახებ თბილისის მერმა, კახა კალაძემ მერიის მთვარობის სხდომაზე განაცხადა.

პროექტით განსაზღვრული უბნის მოსახლეობისთვის, რეგისტრაციის გავლის შემდეგ, საპარკინგე ადგილი უფასო იქნება. ასევე, უფასოდ პარკირების უფლება ექნებათ შშმ პირებსა და ელექტრომობილის მფლობელებს. რაც შეეხება სხვა უბნებიდან შესულ პირებს, მათთვის პარკინგის ღირებულება საათში ერთი ლარით განისაზღვრება.

კალაძის თქმით, 10 აგვისტოდან აღნიშნულ ტერიტორიაზე 10 საინფორმაციო ჯიხური განთავსდება, სადაც მოსახლეობა სრულყოფილი ინფორმაციის მიღებას შეძლებს.

ზონალურ-საათობრივი პარკირების პროექტი უკვე ამოქმედებულია კოტე აფხაზისა და ორბელიანის მოედნის მიმდებარე ტერიტორაზე. ქალაქის მერის თქმით, აღნიშნული პროექტი ეტაპობრივად ყველა რაიონში განხორციელდება.