მსოფლიო ცხოველთა დაცვის ორგანიზაციის ანგარიშის თანახმად, ადამიანები ყოველწლიურად 25 მილიონ ძაღლს კლავენ და საკვებად იყენებენ.

მსოფლიოს უამრავ რეგიონში ძაღლები ადამიანების ერთგულ მეგობრებად ითვლებიან, თუმცა გამონაკლისია აზიის ზოგიერთი ქვეყანა, მაგალითად: ვიეტნამი, კორეა, ჩინეთი, სადაც ძაღლის ხორცს საკვებ პროდუქტად იყენებენ.

ძაღლების უფლებების დასაცავად და ამ პრობლემის გადასაჭრელად აზიის უამრავი არასამთავრობო ორგანიზაცია იბრძვის - Change for Animals Foundation - CFAF, Humane Society International, Soi Dog Foundation და Animals Asia-მა შექმნეს გაერთიანება Asia Canine Protection Alliance (ACPA). კოალიციის მთავარი მიზანია, დაასრულოს ძაღლებზე ძალადობისა და მათი წამების პრაქტიკა.

მიუხედავად პროტესტისა, ძაღლების დაუნდობელი ხოცვა კვლავ გრძელდება და დიდ მასშტაბებს იძენს. მხოლოდ ჩინეთში 2016 წელს "იულინის ძაღლების ხორცის ფესტივალზე", 10,000 ძაღლი მოკლეს.