ეროვნულმა ბიბლიოთეკამ საქართველოს ქალაქებში წიგნების ორიგინალური ბუდეები განათავსა

საქართველოს 8 ქალაქში წიგნის ორიგინალური სათავსოები გამოჩნდა, სადაც მკითხველები მათთვის საინტერესო წიგნის არჩევას შეძლებენ.

მოქალაქეებს შეუძლიათ მათთვის სასურველი ნაწარმოები ქუჩაში განთავსებული მინი-ბიბლიოთეკებიდან შინ წაიღონ, წაიკითხონ და შემდეგ უკან დააბრუნონ, სურვილის შემთხვევაში კი ახალი წიგნი დაამატონ.

პროექტის ავტორი ეროვნული ბიბლიოთეკაა, წიგნების ორიგინალურ ბუდეებს კი, ბიბლიოთეკის თანამშრომელი თენგო მოდუა ამზადებს. წიგნის ბუდეები უკვე გამოჩნდა ქუთაისში, თბილისში, სამტრედიაში, ჭიათურაში, თელავში, ბათუმში, ოზურგეთსა და ჩოხატაურში.

მინი-ბიბლიოთეკები ქალაქებში თემატური დიზაინითაა მოწყობილი, მაგალითად, ბათუმში - გემი, სამტრედიაში - ველოსიპედი, თელავი - კასრი და ა.შ.

სკივრი - სამკითხველო. თბილისი, ეთნოგრაფიული პარკი

თბილისი, მარო მაყაშვილის ბაღი

მობილური ბიბლიოთეკა: სმარტფონის, პლანშეტური კომპიუტერის თუ სხვა მობილური მოწყობილობის მქონე ყველა მსურველს საშუალებას აძლევს მოუსმინოს აუდიოწიგნებს და მუსიკას ეროვნული ბიბლიოთეკის ციფრულ ბიბლიოთეკა ივერიელის აუდიომასალების კოლექციიდან.

ბათუმის ბოტანიკური ბაღი. წიგნის გემი ზღვისპირა პარკში

სამკითხველო წისქვილში. სოფელი ლიხაური

წიგნის კასრი თელავში

წიგნების ბუდე ოზურგეთის სკვერში

წიგნების ბუდე კრიმანჭულის სკვერში. ჩოხატაური

წიგნის ვაგონი ჭიათურაში

თბილისი, ეროვნული ბიბლიოთეკის ადმინისტრაციულ კორპუსთან

წიგნის ველოსიპედი სამტრედიაში

ბოლო ამბები:

გირჩევთ