ზურაბ ჟვანიას ძმამ გოგლა ჟვანიამ გაზეთ კვირის პალიტრასთან ექსკლუზიურ ინტერვიუში ახალი მოწვევის პარლამენტში არშესვლასთან დაკავშირებით განმარტება გააკეთა და თქვა, რომ ქართულმა ოცნებამ საჭიროდ აღარ ჩათვალა, მისი სიაში შეყვანა. მისივე განცხადებით, არც თავად ჰქონია პოლიტიკაში ყოფნის გრძელვადიანი მიზანი:

"ზურას ამბის შემდეგ, ბრძოლაში ჩავები, რათა მანკიერი ხელისუფლების შეცვლისთვის მიგვეღწია. რაც შეეხება იმას, თუ რატომ აღარ ვარ პარლამენტში, თავის დროზე ქართული ოცნების თავმჯდომარესთან შევთანხმდი, რომ არჩევნებში მონაწილეობას მივიღებდი მხოლოდ იმ შემთხვევაში, თუ საჭიროდ ჩათვლიდნენ. აღმოჩნდა, რომ საჭიროდ არ ჩათვალეს, რაც ლოგიკურ გადაწყვეტილებად მივიჩნიე. მეც ჩემს ბიზნესსაქმიანობას მივუბრუნდი".