საქართველოს ეროვნული ბანკის ყოფილი პრეზიდენტი გიორგი ქადაგიძე ფეისბუკზე 10 თემის გამოქვეყნებას იწყებს, რომელიც მისი თქმით ქვეყანას განვითარებაში დაეხმარება.

პირველი თემა მოგების გადასახადს ეხება და გამოხატავს ესტონურ მოდელს. ქადაგიძის თქმით, უნდა გატარდეს ეს გეგმა, რომ დაიზოგოს თანხა და მთავრობამ მოიძიოს 1-1,5 მილიარდი ლარი ბიუჯეტის დეფიციტის გასანულებლად და ეკონომიკის სწრაფი განვითარებისთვის.

გიორგი ქადაგიძის გეგმა ასე გამოიყურება:

  1. მოგების გადასახადის გაუქმება არ უნდა შეეხოს ფინანსურ (საბანკო, დაზღვევის, მისო-ბი) და ფარმაცევტულ სექტორებს. ეს ინდუსტრიები ისედაც არ იხიდიან არანაირ გადასახადს გარდა მოგებისა და მათი საგადასახადო ტვირთი ისედაც მინიმალურია.
  2. ასევე არ უნდა შეეხოს ბუნებრივ მონოპოლიებს (თელასი, თბილისის წყალი, ენერგო პრო და ა.შ.) ვინაიდან ასეთი კომპანიები არ იმყოფებიან კონკურენტულ გარემოში მოგების მიღების პროცესში.
  3. მით უფრო გაუგებარია ასეთი ინდუსტრიების მოგების გადასახადისგან არიდება საწვავზე და თამბაქოზე აქციზის განაკვეთის ზრდის პარალელურად. გამოდის რომ მთელი მოსახლეობა გადაიხდის ბიუჯეტში იმ დანაკლისს რომელსაც ეს კომპანიები აღარ გადაიხდიან.

ქადაგიძის თქმით, ამ ინიციატივას მყისიერი საბიუჯეტო ეფექტი: 150-200 მილიონი ლარი მოჰყვება.