სამოქალაქო მოძრაობის ლიდერის, ალეკო ელისაშვილის თქმით, კანდიდატურას სადაც დააყენებენ იმ ოლქს მოიგებენ. ამ თემაზე მან TV პირველის ეთერში ისაუბრა. მან თქვა, რომ მოგებას ოპოზიციასაც და ხელისუფლებასაც ჰპირდება.

"სადაც დავდგებით, იქ მოვიგებთ, ამას გავზომავთ, ავწონით, შევაფასებთ, არ დავუთმობთ ქართულ ოცნებას სადაც ვიდგებით, შეიძლება საერთოდ არ დავდგეთ არსად, მაგრამ რეალობა უნდა შევცვალოთ. [...] შუბლით მინდა გავანგრიო ეს კედელი, ეს ორპოლუსიანობა, რომელიც კლავს ამ ქვეყანას, 9 წელია ქართული ოცნება და წინა ცხრა წელზე, 18 წელია ესენი არიან ამ ქვეყანაში", — თქვა ალეკო ელისაშვილმა.

ელისაშვილმა აღნიშნა, რომ კონკრეტულად საარჩევნო კანდიდატებთან დაკავშირებით ჯერ გადაწყვეტილება მიღებული არ აქვთ და მოლაპარაკებები მიმდინარეობს.

იუსტიციის უმაღლესი საბჭოს არამოსამართლე წევრმა, ანა დოლიძემ, პარლამენტის დამოუკიდებელმა დეპუტატმა ლევან კობერიძემ და სამოქალაქო მოძრაობის ლიდერებმა ალეკო ელისაშვილმა და ლევან იოსელიანმა ერთობლივი პოლიტიკური პლატფორმა შექმნეს. ახალი პოლიტიკური პლატფორმის შექმნასთან დაკავშირებით მათ მემორანდუმს ხელი 18 ივნისს მოაწერეს. ისინი პარტიის ჩამოყალიბებას გეგმავენ.