საქართველოს პრეზიდენტი, სალომე ზურაბიშვილი19 წლის ფეხბურთელის დაღუპვის ამბავს ეხმაურება და წერს, რომ ქვეყანაში ახალგაზრდებს შორის ერთმანეთის სასიკვდილოდ გამეტება აღარ დასრულდა. ამ თემაზე პოსტი მან საკუთარ ფეისბუქზე გამოაქვეყნა და ოჯახს მიუსამძიმრა.

"ვუსამძიმრებ გიორგი შაქარაშვილის ოჯახს და გამოვთქვამ დიდ მწუხარებას. ამ ქვეყანაში რომ აღარ დასრულდა ახალგაზრდათა შორის ერთმანეთის სასიკვდილოდ გამეტება, ეს ჩვენი ქვეყნის დიდი ტრაგედიაა!" — წერს სალომე ზურაბიშვილი.

დღეს, 22 ივნისს, 4-დღიანი ძებნის შემდეგ, მყვინთავებმა ფეხბურთელ გიორგი შაქარაშვილის ცხედარი წყალში იპოვეს. საგანგებო სიტუაციების მართვის სამსახურის ინფორმაციით, საძიებო სამუშაოებში ჩართული იყო 70 მეხანძრე-მაშველი, 7 ნავი და ორი სპეციალური კატერი, რომელიც ფსკერის სკანირებას ახორციელებდა.

ოჯახმა უწყებას ფეხბურთელ, გიორგი შაქარაშვილის დაკარგვის შესახებ 19 ივნისს, დაახლოებით 11 საათზე შეატყობინა