შრომის პირობების ინსპექტირების დეპარტამენტის უფროსის, ბექა ფერაძის განცხადებით, დღეის მდგომარეობით მუშაობის უფლება 150 სასტუმროს მისცეს. ამ თემაზე მან მთავრობის ბრიფინგზე ისაუბრა.

"დღეის მდგომარეობით ჩვენ ბაზაში დარეგისტრირებულია 939 კომპანია — სასტუმრო, 150 სასტუმროს უკვე მიენიჭა მუშაობის ნებართვა, 175-მა ამ ეტაპზე ვერ დააკმაყოფილა, ხოლო დანარჩენმა დროებით ითხოვა ვადა იმისთვის, რომ განხორციელდეს ინსპექტირება რამდენიმე დღის შემდეგ, როცა ისინი სრულად დააკმაყოფილებენ მოთხოვნებს", — თქვა ბექა ფერაძემ.

მან კიდევ ერთხელ მოუწოდა სასტუმროებს, გამოიყენონ ის პერიოდი რაც აქვთ და დაიცვან უსაფრთხოების ყველა ნორმა, რათა მოქალაქეებისა და ტურისტების მიღება შეძლონ.