პარლამენტის პირველი ვიცე-სპიკერის, გია ვოლსკის თქმით, კორონავირუსის გამო შეცვლილი ბიუჯეტის გეგმა რაციონალურადაა დაგეგმილი და ხელისუფლება ერთი თეთრის არარაციონალურად დახარჯვასაც კი არ დაუშვებს.

ასე გამოეხმაურა ვოლსკი ოპოზიციის წევრებს, რომლებიც პანდემიის გამო კორექტირებულ ბიუჯეტს, "ფლანგვის ბიუჯეტს" უწოდებენ და ამბობენ, რომ საბიუჯეტო ცვლილელები ქვეყნის ეკონომიკისა და ხალხის მოთხოვნას არ პასუხობს.

"არცერთი ხელისუფლება არ დაუშვებს იმას, რომ რაიმე ერთი თეთრი მაინც, მით უმეტეს, თუ ის სესხია, დახარჯული იქნეს არარაციონალურად. გეგმა, რომელიც მათ წარმოადგინეს, სწორედაც, რომ რაციონალური და პროფესიონალურად ჩამოყალიბებულია და გათვლილია არა მხოლოდ დღევანდელ დღეზე, არამედ მომავალზე", — განაცხადა ვოლსკიმ.