პარლამენტის დეპუტატმა ემზარ კვიციანმა განაცხადა, რომ პატრიოტთა ალიანსს ტოვებს. ამის შესახებ მან ფეისბუქზე დაწერა. როგორც კვიციანი ამბობს, ის განაწყენებული არაა, უბრალოდ არ სურს თავისი "გეჟური გადაწყვეტილებებით" პატრიოტთა ალიანსის წევრებს ავნოს.

"4 თვე დამრჩა პარლამენტარობა და მაქსიმალურად მინდა დავიხარჯო! არ მინდა ჩემი სარისკო ქმედებით ზიანი მივაყენო ჩემთვის ძვირფას ადამიანებს! მივდივარ პარტიიდან და მივდივარ ფრაქციიდანაც! მინდა ჩემს მეგობრებს ვუსურვო წარმატება, პოლიტიკურ და პირად ცხოვრებაში!უფალი გწყალობდეთ და გფარვიდეთ! ძალიან ვწუხვარ, მაგრამ მე უნდა გავამძაფრო ბრძოლა ჩვენი ქვეყნის და ქართველობის შესანარჩუნებლად! ქართველთა გადასარჩენად, თავგანწირვის გზაზე მინდა დავადგე, ვინც გამომყვება ღმერთმა დაგლოცოთ, ვინც არა თქვენც დალოცვილი მეყოლეთ! აღმოჩნდა, რომ მე სხვა გზა მაქვს, უფრო უტვინო, მაგრამ ჩემი! უფალმა მიმყოფოს ყველა პატრიოტი პატრიოტულად! დიდება ღმერთს!!!" — წერს ემზარ კვიციანი.

ემზარ კვიციანი პატრიოტთა ალიანსიდან მეცხრე მოწვევის პარლამენტის დეპუტატი 2016 წელს გახდა. პარტიასთან ერთად მას არაერთხელ მიუღია მონაწილეობა ანტიდასავლურ და ანტიამერიკულ აქციებში. ამასთან, ის ჰომოფობიური და სექსისტური განცხადებებით გამოირჩეოდა.