ნაციონალური მოძრაობის დეპუტატის, რომან გოცირიძის თქმით, ირაკლი ღარიბაშვილი წინასწარ გაფრთხილების შემდეგ, გულში 60-ჯერ და ყოველ წუთში ერთხელ იტყვის — "გმადლობთ, ბატონო ბიძინა". ამ თემაზე მან TV პირველის ეთერში ისაუბრა.

"გმადლობთ ბატონო ბიძინა", "გმადლობთ ბატონო ბიძინა", ახლა ყველაზე მეტად ღამის შოუებს ეწყინებათ, წინასწარვე გავაფრთხილე — არ თქვა მეთქი, თორემ მთელი ერთი თვე ეყოფოდათ ეს ჩანაწერი და ახლა ჩემზე არიან გაბრაზებულები რატომ გააფრთხილეო, მაგრამ გულში იტყვის 60-ჯერ, ყოველ წუთში ერთხელ იტყვის გმადლობთ ბატონო ბიძინა", — თქვა რომან გოცირიძემ.

დეპუტატმა აღნიშნა, რომ თავდაცვის მინისტრი პარლამენტში მათი დასწრების ღირსი არ იყო.

პარლამენტში ღარიბაშვილის მინისტრის საათის დაწყებამდე რომან გოცირიძემ თქვა, რომ სანაძლეო დადო რამდენჯერ ახსენებდა ღარიბაშვილი ბიძინა ივანიშვილის. მან ივარაუდა, რომ 7-ჯერ.

პარლამენტში თავდაცვის მინისტრის, ირაკლი ღარიბაშვილის მინისტრის საათის ფორმატში მისვლას ევროპული საქართველოსა და ნაციონალური მოძრაობის დეპუტატები არ დაესწრებიან. ოპოზიციურ პარტიებში აცხადებენ, რომ ისინი პოლიტიკური ბოიკოტის რეჟიმში ყოფნას აგრძელებენ.