თბილისის მერის, კახა კალაძის თქმით, მერია მომდევნო დღეების განმავლობაში გამოაცხადებს 300 ერთეული მიკროავტობუსის შესყიდვაზე ტენდერს. 10 ივნისის მთავრობის სხდომაზე კალაძემ თქვა, რომ პანდემიის დროს მიკროავტობუსების შესყიდვაზე ტენდერი შეჩერდა, ახლა კი ტრანსფერის სახით, ამისათვის დამატებითი თანხა ცენტრალური ბიუჯეტიდან წამოიღეს.

"პირველ ეტაპზე იქნება 300 ერთეული და, რა თქმა უნდა, მთლიანად ჩანაცვლდება მიკროავტობუსები".

თბილისის მერის ცნობით, 150 მილიონ ლარზე მეტი შემოსავალი დააკლდა მუნიციპალიტეტს და ეს ყველაფერი აისახება იმ პროექტებზე რომლის განხორციელება უკვე უნდა დაწყებულიყო.