რუსთავის მერიაში, მერის მოადგილეს, გოჩა ლორიას მოქალაქე ფიზიკურად დაუპირისპირდა. გავრცელებული ინფორმაციით, დაპირისპირება შეხვედრისას ერთ-ერთ სხდომაზე მოხდა.

On.ge-სთან საუბრისას მერიის პრესსამსახური ამბობს, რომ დაპირისპირებას ადგილი ნამდვილად ჰქონდა და ადგილზე პოლიცია გამოიძახეს. უწყებაში მომხდართან დაკავშირებით დამატებით კომენტარს არ აკეთებენ.

შინაგან საქმეთა სამინისტროს განცხადებით, დაკავებულია 1 პირი. მომხდარზე გამოძიება საქართველოს სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს. დანაშაული ისჯება ჯარიმით ანდა 1 წლამდე თავისუფლების აღკვეთით.