თბილისის მერიის ინფორმაციით, ხიზანიშვილის ქუჩაზე მიმდინარე სამუშაოების გამო, მოძრაობის სქემა იცვლება. უწყების განცხადებით, 11 ივნისამდე ავტობუსები და მიკროავტობუსები შემდეგი მარშრუტით იმოძრავებენ:

#23, #24, #32 და #33 ავტობუსები

გლდანის პარკის მხრიდან ვეკუას ქუჩაზე გავლენ და მოძრაობას შეშელიძის ქუჩის მეშვეობით, სარაჯიშვილის გამზირამდე გააგრძელებენ, შემდეგ კი დადგენილი სქემით იმოძრავებენ.

მარშრუტები უკუმიმართულებით მოძრაობისას, მეტროსადგურ ახმეტელის თეატრთან ქერჩი-ვასაძის ქუჩების ნაცვლად, შეშელიძის ქუჩის გავლით მოხვდებიან;

#51 ავტობუსი

იმოძრავებს ქერჩის ქუჩისა და თიანეთის გზატკეცილის გავლით, ხოლო უკუმიმართულებისას, თიანეთის გზატკეცილიდან მიქატაძე-ლესელიძის ქუჩების მეშვეობით, გლდანის მე-7 და მე-8 მიკრორაიონებს დაუკავშირდება, რომლის შემდეგაც, გლდანულას დასახლებაში გადავა.

#45, #73, #108 ავტობუსები

ისინი მეტროსადგურ ახმეტელის თეატრამდე მისასვლელად, ვასაძის ქუჩის გავლით, ხიზანიშვილის ქუჩის გადაკვეთამდე იმოძრავებენ.

#30, #39, #77, #85, #133, #180, #210, #217 მიკროავტობუსები

მარშრუტები ახმეტელის თეატრის მიმართულებით მოძრაობისას, ხიზანიშვილის ქუჩიდან გადავლენ ვეკუას ქუჩაზე და დაუკავშირდებიან მეტროსადგურ ახმეტელის თეატრ“, ხოლო #30, #77, #85, #133 და #210 მარშრუტები შეშელიძის ქუჩიდან დადგენილი სქემით გააგრძელებენ მოძრაობას.

#100, #202 მიკროავტობუსები

გლდანის პარკის მიმდებარე ტერიტორიაზე გაჩერდებიან და მეტროსადგურ ახმეტელის თეატრის მიმართულებით მოძრაობისას, ვეკუასა და შეშელიძის ქუჩების მეშვეობით გადაადგილდებიან.

#86, #96, #116, #136, #139, #148 მიკროავტობუსები

მარშრუტები მეტროსადგურ ახმეტელის თეატრის მიმართულებით გადაადგილებისას, მოძრაობას ვასაძის ქუჩაზე, ხიზანიშვილის ქუჩის გადაკვეთასთან დაასრულებენ და უკუმიმართულებით, ასევე, ვასაძის ქუჩის გავლით იმოძრავებენ.

#78, #226, #147, #111 მიკროავტობუსები

#78 და #226 მარშრუტები მოძრაობას ხიზანიშვილის ქუჩის ნაცვლად, მოსულიშვილის ქუჩაზე დაასრულებენ.

#147 მარშრუტი მოსულიშვილის ქუჩაზე მისასვლელად და ასევე, უკუმიმართულებით გადაადგილებისას, იმოძრავებს ქერჩის ქუჩის გავლით, ნაცვლად შეშელიძის ქუჩისა.

#111 მარშრუტი დროებით ვერ შევა მეტროსადგურ ახმეტელის თეატრთან და ორივე მიმართულებით, თიანეთის გზატკეცილისა და ქერჩის ქუჩების გავლით იმოძრავებს.

#142 და #145 მირკოავტობუსები

ეს მარშრუტები, მუხიანის დასახლებიდან გურამიშვილის გამზირის მიმართულებით მოძრაობისას, გობრონიძის ქუჩიდან შენგელიას ქუჩაზე გადავლენ, რის შემდეგაც შეშელიძის ქუჩისა და სარაჯიშვილის გამზირის გავლით, მოძრაობას დადგენილი მიმართულებით გააგრძელებენ. აღნიშნული მარშრუტი იმოქმედებს უკუმიმართულებით მოძრაობის დროსაც.