Independent-ის ინფორმაციით, WeFood მსოფლიოში პირველი დანიური სუპერმარკეტია, რომელიც სხვა მაღაზიებში არსებულ ზედმეტ ან გადასაყრელ პროდუქტს შეღავათიან ფასებში გაყიდის. კომპანია იმედოვნებს, რომ მათი იდეა წელიწადში 700 000 ტონა გადაყრილ საკვებ პროდუქტს გადაარჩენს.

მაღაზია დანიის დედაქალაქ კოპენჰაგენში გაიხსნა და პროდუქტს თავის ფასთან შედარებით 30-50%-იანი შეღავათით გაყიდის.

კომპანიის ერთ-ერთმა წარმომადგენელმა განაცხადა, რომ ვიფუდამდე ამ ტიპის მაღაზია ჯერ არც ერთ ქვეყანაში არ გახსნილა. მან ასევე აღნიშნა, რომ ახალი სუპერმარკეტი არა მხოლოდ დაბალი შემოსავლის მქონე ადამიანებზეა გათვლილი, არამედ ყველასთვის, ვისაც აწუხებს ის ფაქტი, რომ საკვები პროდუქტი, რომელიც საჭმელად ვარგისია, უბრალოდ ქუჩაში იყრება.

კომპანიიის წარმომადგენლების თქმით, ვიფუდი პროდუქტით მომარაგებასთან დაკავშირებით ციტრუსის, ხორცისა და სხვა სახის საკვების დისტრიბუტორ კომპანიებს უკვე შეუთანხმდა. კომპანიის მთავარი პარტნიორი დანიის ერთ-ერთი ყველაზე დიდი სუპერმარკეტი Føtex-ია, რომელიც ახალ სუპერმარკეტს პურითა და სხვა სახის პროდუქტით უზრუნველყოფს. აღსანიშნავია, რომ ვიფუდში პროდუქტის სხვადასხვა მარკეტებიდან მიტანის პროცესში მოხალისეებიც იღებენ მონაწიელობას.

დანიის გარემოს დაცვის მინისტრის აზრით, სასაცილოა, როდესაც საჭმელი უბრალოდ ნაგავში იყრება. მისი თქმით აღნიშნული არა მხოლოდ ცუდია, არამედ ეს ნიშნავს ფულის არაფერში გადახდას.

რამდენიმე დღის წინ საფრანგეთშიც მიიღეს კანონი, რომელიც სუპერმარკეტებს გაუყიდავი პროდუქტის ნაგავში გადაყრას უკრძალავს.