პრემიერ-მინისტრ გიორგი გახარიას განცხადებით, საქართველოს ევროატლანტიკურ ინტეგრაციას კითხვის ნიშნის ქვეშ ვერავინ დააყენებს, "რადგან ეს არის საქართველოს მოსახლეობის გადაწყვეტილება". ამაზე მან პარლამენტში გამოსვლისას ნაციონალური მოძრაობის დეპუტატის, სალომე სამადაშვილის საპასუხოდ განაცხადა:

"არავის პერიოდში, არცერთ პერიოდში, არც ნატოსთან, არც აშშ-სთან, არც ევროკავშირთან საქართველოს თანამშრომლობა ასეთი ეფექტიანი და გაღრმავებული არ ყოფილა. არასოდეს საქართველოს ისტორიაში ნატოსთან ერთობლივი ოპერაციები ისეთი ინტენსივობით, როგორც ახლაა, არ ჩატარებულა. არასოდეს ნატოსთან შავი ზღვის უსაფრთხოების კონტექსტში თანამშრომლობა, არ ყოფილა. თქვენ თუ სიამოვნებას გგვრით ქვეყნის ვნება, ასეთი ფორმულირება, გააგრძელეთ".