საქართველოში ნორვეგიის სამეფოს ელჩი, ელენე სანდ ანდრესენი საქართველოს დამოუკიდებლობის დღეს ულოცავს. ელჩმა სპეციალური ვიდეო ჩაწერა და აღნიშნა, რომ ნორვეგია მხარს უჭერს საქართაველოს სუვერენიტეტსა და ტერიტორიულ მთლიანობას.

"ნორვეგია საერთო მიზნების მიღწევაშიც საქართველოს სანდო პარტნიორად დარჩება. როგორც ქართველი თამადა იტყოდა, გაუმარჯოს საქართველოს ნათელ მომავალს. დამოუკიდებლობის დღეს გილოცავთ. [...]

პირველად თქვენს ლამაზ ქვეყანას 1979 წელს ვესტუმრე. მაშინ ყველაფერი სხვაგვარად იყო. ყველა ქვეყანას აქვს უფლება, აირჩიოს თავისი გზა. დღეს ნათელია, განვითარების რომელი გზა აირჩიეთ თქვენ. ნორვეგია მხარს უჭერს საქართველოს სუვერენიტეტსა და ტერიტორიულ მთლიანობას, ასევე მის პოლიტიკურ არჩევანს, ევროპულ და ევროატლანტიკურ ინტეგრაციას", — თქვა ელჩმა.

ელენე სანდ ანდრესენმა აღნიშნა, რომ საქართველიო წარმატებით ართმევს თავს პანდემიასთან ბრძოლას და დაავადებათა კონტროლის ეროვნულ ცენტრს მადლობა გადაუხადა.