საქართველოში ისრაელის ელჩი, რან გიდორი ქართველ ხალხს დამოუკიდებლობის დღეს ულოცავს. ელჩმა სპეციალური მისალოცი ვიდეო მოსწავლე ახალგაზრდობის ეროვნული სასახლის ეზოში ჩაწერა, სწორედ იქ, სადაც 102 წლის წინ საქართველოს დამოუკიდებლობა გამოაცხადეს.

"1918 წელს შეიქმნა საქართველოს დამოუკიდებელი რესპუბლიკა და ეს იყო დიდი ისტორიული მონაპოვარი. დაარსების პირველივე დღიდან საქართველოს რესპუბლიკამ გამოამჟღავნა მისი ერთგულება დემოკრატიისა და ევროპული ღირებულებებისადმი, თანასწორობის, სამართლიანობისა და ადამიანის უფლებების პრინციპებისადმი. მან ეს გააკეთა ბევრ სხვა ევროპულ ქვეყანაზე უფრო ადრე, რაც ყველა ჩვენთაგანისთვის სიამაყის საფუძველია: გაუმარჯოს დამოუკიდებელ საქართველოს!“, — თქვა რან გიდორმა.