The New York Times-მა 24 მაისის პირველ გვერდზე კორონავირუსით გარდაცვლილი ათასი ადამიანის სახელი დაწერა. ამით გაზეთმა გადაწყვიტა პატივი მიეგო აშშ-ში COVID-19-ის შედეგად გარდაცვლილ 100 ათას ადამიანს.

სახელების გარდა გაზეთმა მცირე აღწერებიც მიუთითა, რომელიც მათ სხვადასხვა რეგიონული გაზეთის ნეკროლოგებიდან ამოიღეს:

"ეს უბრალოდ სახელების სია არაა. ისინი ჩვენ შორის იყვნენ".

აშშ-ში კორონავირუსის 1,6 მილიონზე მეტი შემთხვევაა დაფიქსირებული. ბოლო მონაცემებით, უკვე 97 ათასი ადამიანი გარდაიცვალა.