დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

23 მაისის დილის მდგომარეობით, საქართველოში კორონავირუსით ინფიცირებულთა რიცხვი ხუთით, ხოლო გამოჯანმრთელებულების რაოდენობა —14-ით გაიზარდა. ინფიცირებულთა საერთო რიცხვი 723-ია, ხოლო გამოჯანმრთელებულების — 509. ეს სტატისტიკური მონაცემები ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს გააცნო.

მისივე ცნობით, ამ ეტაპზე კორონავირუსით ინფიცირებული 207 პაციენტი მკურნალობს კოვიდ ცენტრებში, ხოლო გამოჯანმრთელებულების რაოდენობა 290-ით ჭარბობს მკურნალობაზე მყოფ პაციენტების რაოდენობას.

"ხუთი ახალი შემთხვევიდან სამი არსებულ დაავადებულებთან კონტაქტებია, ორი კი საკარანტინე სივრციდან გადმოყვანილი. როგორც ცნობილია, კრიტიკული არცერთის მდგომარეობა არ არის, ჯერჯერობით. ჩვენთან ამ ხუთიდან არცერთი არ შემოსულა", ამბობს ეზუგბაია.