დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, ადამიანებს ჩიპების და რაღაცების სჯერათ, მაგრამ ვირუსის არსებობის არა. მისი აზრით, მსოფლიო ბაზარზე ვაქცინა ალბათ ზამთარზე ადრე არ იქნება ხელმისაწვდომი და კორონავირუსის არსებობა არ უნდა დავივიწყოთ.

"ადამიანებს ჩიპების და რაღაცების სჯერათ და ვირუსი რომ არის გვერდით, მაგის არ სჯერათ. ვირუსი არის, არ გამქრალა არსად. ამიტომ ნებისმიერ დროს თუ ჩვენ არ ვიქნებით მაქსიმალურად ფრთხილად, არ დავიცავთ წესებს, ყოველთვის არის ვარიანტი, რომ შემობრუნდეს. ზამთარში, რა თქმა უნდა, როცა სეზონი დადგება რესპირაციული დაავადებების, დიდი მოლოდინია, რომ ვირუსი შემობრუნდება", — თქვა პაატა იმნაძემ.

პაატა იმნაძემ აღნიშნა, რომ მთავარია ვირუსის შემობრუნებას ქვეყანა მომზადებული დახვდეს. მისი თქმით, მსოფლიოს სხვადასხვა ცენტრში ვაქცინაზე მუშაობა და გამოცდა მიმდინარეობს, თუმცა ვაქცინაზე ადრე, სავარაუდოდ, მსოფლიოს ეფექტური წამალი ექნება.

16 მაისის მონაცემებით, საქართველოში კორონავირუსის 677 დადასტურებული შემთხვევაა, მათგან გამოჯანმრთელებულია 419 ადამიანი, ხოლო გარდაცვლილია — 12.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: