ევროპული საქართველოს ლიდერის, გიგა ბოკერიას განცხადებით, 8 მარტის შეთანხმებაში საუბარი იყო როგორც საარჩევნო სისტემის ცვლილებაზე, ისე პოლიპატიმრების გათავისუფლებაზე. მისივე თქმით, თუ მმართველ გუნდს შეთანხმების პირობებზე არავისი არ სჯერა პატრიოტთა ალიანსის ლიდერს, ირმა ინაშვილს დაუჯერონ.

"დღეს ნახევრად ვხუმრობდი, რომ თუ არც ჩვენი, ოპოზიციის, არც სხვების, არც ევროკავშირის ელჩის, არც ჩვენი ყველა პარტნიორის, თუ არავისი არ სჯერათ ინაშვილს მაინც დაუჯერონ, ადამიანმა ხელი არ მოაწერა და გამოვიდა და თქვა, რომ კონკრეტულ გვარებზე... ერთხელ სიმართლე თქვა და მაშინაც არ უჯერებენ და დაუჯერონ, რა", — განაცხადა გიგა ბოკერიამ TV პირველის ეთერში.

მისივე თქმით, ელჩებს პოლიპატიმრებთან დაკავშირებით მკაფიო განცხადებებიც ჰქონდათ:

"ბოლო განცხადება ოქრუაშვილის სამარცხვინო ვერდიქტის შემდეგ იყო ევროკავშირის ელჩისა და აშშ-ს საელჩოსი, რომ შეშფოთება გამოთქვეს შეთანხმება არ არის შესრულებულიო. საჯაროდ თქვეს. ამაზე მეტი რაღა უნდა იყოს. სენატორი რიში, ევროპარლამენტის მსხვილი ჯგუფის ყველა ხელმძღვანელი, ვინც საქართველოს საკითხებითაა დაკავებული, საქართველოს მეგობრობის ჯგუფის ხელმძღვანელები კონგრესში, ყველა მიესალმა შეთანხმებას და მერე მოუწოდეს ხელისუფლებას შეასრულეთ შეთანხმება, გამოუშვით პოლიპატიმრებიო. ამაზე მკაფიოდ როგორ თქვან.