აშშ–ს რესპუბლიკური პარტიის პრეზიდენტობის კანდიდატობისთვის მებრძოლი ტედ კრუზი ინდიანაში, ქალაქ მარიონში საკუთარ ამომრჩევლებს ხვდებოდა 2 მაისს, სადაც მას კონკურენტ დონალდ ტრამპის მხარდამჭერები დახვდნენ. კრუზი მოწინააღმდეგეებთან მივიდა და მათ რამდენიმე წუთს ელააპრაკა. კრუზის თქმით, ის მუდამ იცავდა და დაიცავს აშშ–ს კონსტიტუციის მეორე შესწორებას, რაც ეხება იარაღის ტარების უფლებას. ტრამპის მხარდამჭერები კრუზს პასუხობდნენ შეძახილებით "მატყუარა!". კრუზის მათ უთხრა, რომ ყვირილი ცივილური ქცევა არ იყო. მათი შელაპარაკება რამდენიმე წუთს გაგრძელდა, რის შემდეგაც კრუზმა მარიონი დატოვა.

ინდიანაში 3 მაისს მორიგი პრაიმერი იმართება, რომელმაც ფაქტობრივად, უნდა გადაწყვიტოს, ვინ შეიძლება გახდეს რესპუბლიკური პარტიის პრეზიდენტობის კანდიდატი. თუ კრუზმა ინდიანას პრაიმერი წააგო ტრამპთან, მაშინც მისი შანსები მინიმუმამდე შემცირდება.

მასალა მომზადებულია საქართველოში აშშ–ს საელჩოს მხარდაჭერით.
Reporting supported by the US Embassy in Georgia.

აშშ-ს საელჩო საქართველოში