აშშ-ის ვიცე-პრეზიდენტის, მაიკ პენსისს პრესსპიკერს, კეტი მილერს კორონავირუსი დაუდგინდა. ინფორმაცია ამის შესახებ პრეზიდენტმა, დონალდ ტრამპმა გაავრცელა.

ტრამპის განცხადებით, მილერთან კონტაქტი არ ჰქონია და ის მხოლოდ პენსს ხვდებოდა. მილერს ხშირი შეხება ჰქონდა ჟურნალისტებთან, ამიტომ მათ ტესტირება ჩაუტარდებათ.

მილერი თეთრი სახლის მეორე თანამშრომელია, რომელსაც კორონავირუსი დაუდგინდა. პირველი ინფიცირებული ტრამპის პირადი კამერდინერია.

ტრამპს, ვიცე-პრეზიდენტ მაიკ პენსსა და მაღალჩინოსნებს კორონავირუსზე ყოველკვირეული ტესტირება უტარდებათ. თეთრი სახლი აგრძელებს სწრაფი ტესტის გამოყენებას, რომელიც შედეგებს დაახლოებით 15 წუთში იძლევა.