ნინო ზაუტაშვილმა ჟურნალისტებთან საუბარში გენერალური დირექტორის შესარჩევ კონკურსში მონაწილეობის მიღების მზაობა დაადასტურა.

მას ამჟამად საზოგადოებრივი მაუწყებლის ეთერში გადაცემა რეალური სივრცე მიჰყავს.

"მე ზუსტად ვიცი როგორი უნდა იყოს საზოგადოებრივი მაუწყებელი. ამას ნახავთ ყველა." - განაცხადა ზაუტაშვილმა.

საზოგადოებრივი მაუწყებლის სამეურვეო საბჭომ უკვე ყოფილი გენერალური დირექტორის, გიორგი ბარათაშვილის განცხადება თანამდებობის დატოვების შესახებ დააკმაყოფილა. თანამდებობაზე კი დროებით თიკო ბერძენიშვილი დაინიშნა, რომელიც მოვალეობას დროებით შეასრულებს.