პრემიერმინისტრის, ბორის ჯონსონისა და მისი საცოლის კერი საიმონდსის შვილს უილფრიდ ლორი ნიკოლასი დაარქვეს. ბავშვს ბაბუებისა და იმ ექიმების სახელი ჰქვია, რომლებიც პრემიერს კლინიკაში მკურნალობდნენ.

კორონავირუსის დადასტურების შემდეგ ბორის ჯონსონმა რამდენიმე დღე საავადმყოფოში გაატარა. ამჟამად ის სრულად გამოჯანმრთელდა და მუშაობას დაუბრუნდა.

"არასდროს არ ვყოფილვარ ასეთი ბედნიერი. ჩემი გული სიხარულისგან გადაივსო", — წერს კერი საიონდსი ინსტაგრამზე.

უილფრიდი ბორის ჯონსონის ბაბუას ერქვას, ლორი კი — კერი საიმონდის ბაბუას. როგორც მან განმარტა კიდევ ერთი სახელი ნიკოლასი მათ ექიმების — ნიკ პრაისისა და ნიკ ჰარტის საპატივცემულოდ დაარქვეს:

"მათ წინა თვეში ბორისის სიცოცხლე გადაარჩინეს".

დიდი ბრიტანეთის ისტორიაში ეს მესამე შემთხვევაა, როცა მოქმედ პრემიერ-მინისტრს შვილი ეყოლა.