ბოლნისის მუნიციპალიტეტის სოფელი მუშევანიდან, სადაც დაპირისპირება ხდება, ყველა ინფიცირებული მოქალაქე თბილისში სამედიცინო დაწესებულებებშია გადაყვანილი.

"გუშინ სოფელში სამედიცინო პერსონალსა და მოსახლეობას შორის მცირედი გაუგებრობა მოხდა, ადგილობრივებთან საუბრის შემდეგ ყველაფერი დროულად გაირკვა. ინფიცირებული მოქალაქეები უკვე თბილისში არიან გადაყვანილi. სოფელში მყოფ მოსახლეობაზე კი მედიკოსები დაკვირვებას აწარმოებენ. მუშევანში ამ დროისთვის სტაბილური სიტუაციაა", — განაცხადა ბოლნისის მუნიციპალიტეტს მერმა დავით შერაზადიშვილმა.

გუშინ, პირველ მაისს ბოლნისის სოფელ მუშევანში ადგილობრივმა მოსახლეობამ ექიმებს კორონავირუსით ინფიცირებულთა კლინიკაში გადაყვანის საშუალება არ მისცეს. როგორც On.ge-ს ბოლნისის მაჟორიტარმა დეპუტატმა, გოგი მეშველიანმა განუცხადა, ინფიცირებულთა გადაყვანაში ეპიდემიოლოგებს ხელი ადგილობრივმა ახალგაზრდებმა შეუშალეს, რომლებიც ნასვამ მდგომარეობაში იმყოფებობდნენ.

აღნიშნულ შემთხვევასთან დაკავშირებით გამოძიება სისხლის სამართლის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს. უწყებაში აცხადებენ, რომ დაზიანებულია ორი სატრანსპორტო საშუალება.