დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს კლინიკური დირექტორის, მარინა ეზუგბაიას თქმით, საქართველოში კორონავირუსით ინფიცირებული 27 ახალი პაციენტიდან 20-ის წყარო ცნობილია, 7-ის მოკვლევა კი ჯერ ისევ მიმდინარეობს.

"ამ ეტაპზე კოვიდცენტრებში მკურნალობს 376 პაციენტი ჯერჯერობით. 27 პაციენტიდან 13 არის ბოლნისის წყარო, 1 თეთრიწყარო, 2 მარნეული, 4 საკარანტინო სივრციდან და დანარჩენის წყარო უცნობია და ახლა ხდება მოძიება", — თქვა მარინა ეზუგბაიამ.

ექიმმა ჟურნალისტებთან საუბრისას აღნიშნა, რომ ახალი ინფიცირებული პაციენტებიდან თბილისის ინფექციურ საავადმყოფოში არცერთი არ გადაუყვანიათ.

ბოლო მონაცემებით, ქვეყანაში ინფიცირებულია 566 ადამიანი, მათგან გამოჯანმრთელებულია 184, ხოლო გარდაცვლილია — 6. კარანტინის რეჟიმში 5 243 ადამიანი იმყოფება, სტაციონარში მეთვალყურეობის ქვეშ კი 550.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: