დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელმა, ამირან გაყრელიძემ ის ჯგუფები დაასახელა, რომლებიც გაფართოებული ტეტსირების პირველ ეტაპებში მოხვდებიან.

მისი თქმით, ეს გაფართოება რამდენიმე ეტაპად არის დაგეგმილი. დღეს ქვეყანაში პირველ ეტაპზე იტესტება ყველა ის ადამიანი, ვინც ექვემდებარება კოვიდზე შესაძლებელი შემთხვევის განსაზღვრებას. მისი განმარტებით, ესენი არიან ადამიენები, ვისაც აქვს ცხელება ან არ აქვს ცხელება, მაგრამ რესპირაციული ინფექციის სიმპტომები აქვს.

გამყრელიძის თქმით დღეს იტესტება:

  • ყველა ცხელების კლინიკაში მისული პაციენტი, ყველა პნევმონიით ადამიანი ნებისმიერ კლინიკაში — იქნება ეს ცხელების, კოვიდის კლინიკა თუ სხვა;
  • უკვე დაწყებულია სამედიცინო პერსონალის ყოველ 14 დღეში ინტენსიური გამოკვლევები. პირველ ეტაპზე ესენი იქნებიან: კოვიდისა და ცხელების კლინიკის პერსონალი: ექიმენი, ექთნები, უმცროსი სამედიცინო და ადმინისტრაციული პერსონალი;
  • ყველა სასწრაფორ დახმარების ექიმი, ექთანი, მძღოლი და ა.შ. ექვემდებარებიან ყოველ 14 დღეში გამოკვლევას;
  • ყველა საზოგადოებრიბი ჯანდაცვის მუშაკი, ეპიდემიოლოგი, ვინც დადის და სინჯებს იღებს აუცილებელია მათი ყოველ 14 დღეში გატესტვა.

გამყრელიძის ცნობით, ამის შემდეგ ტესტირება ჩაუტარდებადთ კარანტინში მყოფ ადამიანებს მათი იქ ყოფნის მე-13 და მე-14 დღეს ანუ კარანტინიდან გამოსვლის წინა დღეებში, რათა დავრწმუნდნენ, რომ მათ არ აქვთ ინფექცია. მისივე თქმით, თუ კარანტინში ყოფნის დროს მათ სიმპტომები ეწყებათ, ის მაშინვე იტესტება.

"ასე თანდათან ვაფართოებთ წრეს, მერე საუბარია ვთქვათ, ტრაილერების მძღოლებზე და ასე არის დაჯგუფებული რამდენიმე ეტაპად" — განაცხადა გამყრელიძემ.

რაც შეეხება ჟურნალისტებს, გამყრელიძის თქმით, ისინი ისეთივე მაღალი რისკის ქვეშ არ არიან, როგორც მაგალითად, სამედიცინო პერსონალი. ამიტომ მათი ტესტირება უფრო მომდევნო ეტაპებზე იგეგმება.

p>ამ დროის მონაცემებით, საქართველოში კორონავირუსის 539 დადასტურებული შემთხვევაა, მათ შორის გამოჯანმრთელებულია 178, ხოლო გარდაცვლილია 6 ადამიანი. კარანტინის რეჟიმში 5256 მოქალაქე იმყოფება, სტაციონარში მეთვალყურეობის ქვეშ კი — 548.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: