დღეს, 29 აპრილს 18:00 საათიდან საქმიანობის აღდგენის მოთხოვნით კომპანიები ჯანდაცვის სამინისტროს ვებგვერდზე, სპეციალური აპლიკაციის საშუალებით დარეგისტრირებას შეძლებენ. ამის შესახებ პრეზენტაციის დროს შრომის ინსპექტირების დეპარტამენტის უფროსმა, ბექა ფერაძემ ისაუბრა.

"ბიზნეს სექტორი ვალდებულია, დღეს, 18:00 საათიდან დაიწყოს რეგისტრაციის პროცესი, ეს არის მათივე ინტერესი, ჩვენი ინტერესია, რომ კომპანიებს დავეხმაროთ, მივაწოდოთ ინფორმაცია. სპეციალური აპლიკაცია მოგვცემს საშუალებას, რომ მაქსიმალურად მივაწოდოთ ინფორმაცია, თუ რა მოთხოვნებს უნდა აკმაყოფილებდეს ბიზნეს სექტორი", —

მისივე თქმით, ყოველდღიურად გამოქვეყნდება კომპანიების სია, რომლებიც აკმაყოფილებს მოთხოვნებს და მათ 2-კვირიანი ინტერვალით მუშაობის გაგრძელების უფლება მიენიჭებათ.