ჯანდაცვის მინისტრი, ეკატერინე ტიკარაძე საქართველოში ჩატარებული ტესტების რაოდენობასთან დაკავშირებით კრიტიკას პასუხობს და ამბობს, რომ სამინისტროსთვის მთავარი ეფექტურობა და შედეგია. ამ თემაზე მინისტრმა პრეზენტაციის შემდეგ ისაუბრა.

"ჩვენთვის მნიშვნელოვანია ეფექტურობა და შედეგი. მნიშვნელოვანია ის, რომ დღეს ჩვენ ვართ ეფექტურები და გვაქვს შედეგი, აქედან გამომდინარე ჩვენი შემდგომი ნაბიჯებიც აუცილებლად იქნება თანმიმდევრული და მიზნობრივი, ვინაიდან მსგავსი მიდგომა აქვს ევროპის ნებისმიერ ქვეყანას და ეს ქვეყნებია, გემრანია, შვეიცარა ავსტირა და მათი ჩამონათვალი არის საკმაოდ დიდი", — თქვა ეკატერინე ტიკარაძემ.

მინისტრმა აღნიშნა, რომ სამიზნე ჯგუფების გაფართოებით და კონკრეტული ჯგუფების ტესტირებით ქვეყნის ეფექტურობა კორონავირუსის გამოვლენაში კიდევ უფრო გაიზრდება.

ბოლო მონაცემებით, საქართველოში კორონავირუსი კიდევ 6 ადამიანს დაუდასტურდა და მათი საერთო რაოდენობა 517-მდე გაიზარდა. მათგან გამოჯანმრთელებულია 168, ხოლო გარდაცვლილი 6. კარანტინის რეჟიმში 5 153 ადამიანი იმყოფება, სტაციონარში მეთვალყურეობის ქვეშ — 549.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: