რესპუბლიკური პარტიის წევრი, დავით ბერძენიშვილი დაავადებათა კონტროლის ცენტრის სამეცნიერო ხელმძღვანელს, პაატა იმნაძეს უსურვებს, რომ ტექსტები შეარჩიოს.

მისი თქმით, იმნაძე სახელისუფლებო რიტორიკის გამგრძელებელია.

"ექიმების ერთმანეთში გაუგებრობა, მიუღებლობა თუ პროფესიული კამათი, გნებავთ პოლიტიკურად ანგაჟირებული ტექსტები ერთმანეთის მიმართ ხელისუფლებამ მაშინვე აქცია პროპაგანდისტულ მანქანად. ამ თვალსაზრისით, მე ვუსურვებდი ბატონ პაატა იმნაძეს, რომ შეარჩიოს ტექსტები იმიტომ, რომ მისი მხრიდან ეს ფაქტობრივად სახელისუფლებო რიტორიკის გაგრძელებაა. ხელისუფლება ყოფს ჩვენიან ექიმებს და სხვისიან ექიმებს, ჩვენ და მტრები, ვინც ბიძინას ქვეშემრდომი არ არის, ის ყველა ჩვენი მტერია — ეს არის ხელისუფლების ხაზი", — განაცხადა ბერძენიშვილმა TV პირველის ეთერში.