დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის პირველი საუნივერსიტეტო კლინიკის დირექტორის, ლევან რატიანის თქმით, იმედოვნებენ, რომ დღის ბოლო 16 გამოჯანმრთელებული პაციენტი დატოვებს საავადმყოფოს.

"ყველა პასუხი მივიღეთ უარყოფითი, ამ ეტაპზე 5 პაციენტი ტოვებს კლინიკას კორონავირუსის გარეშე, ველოდებით 11 პაციენტის ანალიზს. იმედი გვაქვს, რომ თერთმეტივე მოვა უარყოფითი და დღის განმავლობაში 16 პაციენტი დატოვებს კლინიკას", — თქვა ლევან რატიანმა.

ჟურნალისტებთან საუბრისას ექიმმა აღნიშნა, რომ ამ დროისთვის კლინიკაში 112 პაციენტია, მათგან 44 კოვიდინფიცირებულს მწვავე პნევმონია აღენიშნება. მისი თქმით, გუშინ კლინიკაში 7 ახალი პაციენტი დაემატათ, რომელებსაც გართულებები არ აქვთ.

ბოლო მონაცემებით, საქართველოში კორონავირუსით ინფიცირებულია 456 ადამიანი, მათგან 132 გამოჯანმრთელებულია, ხოლო 5 გარდაცვლილი. კარანტინის რეჟიმში 4 949 ადამიანი იმყოფება, სტაციონარში მეთვალყურეობის ქვეშ — 555.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: