დღეს მე-9 მოწვევის პარლამენტის პირველი სხდომა 12 საათზე გაიმართება. ადგილზე ამჟამად საქართველოს პრეზიდენტსა და კათოლიკოს პატრიარქს ელოდებიან.

"მთავარი გამოწვევა რაც ქვეყანას ახლა აქვს, არის სამუშაო ადგილების შექმნა, ეკონომიკის განვითარება, ცხოვრების ხარისხის გაუმჯობესება მოქალაქეებისთვის, საქართველოს პარლამენტისთვისაც მგონია, რომ ერთ-ერთი მთავარი გამოწვევა იქნება სწორედ ამ საკითხებზე ეფექტიანი მუშაობა, თუმცა ამას აუცილებლად შევძლებთ" - აცხადებს ქართული ოცნების დეპუტატი თამარ ჩუგოშვილი ჟურნალისტებთან საუბრისას.

ქართულ ოცნებას პარლამენტის თავჯდომარის თანამდებობაზე ირაკლი კობახიძე ჰყავს დასახელებული. პარლამენტი თავჯდომარესა და მის მოადგილეებს დღეს აირჩევს.

ადგილზე იმყოფება On.ge-ს ჟურნალისტი. ადევნეთ თვალი პარლამენტში მიმდინარე ამბებს ჩვენს ფეისბუკ გვერდზე.